Kabangkitan nasional Indonesia

Kabangkitan Nasional Indonesia adolah pariode pado paruah patamo abaik ka-20 di Nusantara (kini Indonesia), katiko rakyat Indonesia mulai manumbuahkan raso kasadaran nasional sabagai "urang Indonesia".^[1] Maso iko ditandoi jo duo paristiwa pantiang yaitu tagaknyo Budi Utomo (20 Mei 1908) jo ikrar Sumpah Pamuda (28 Oktober 1928).^[2][3]

Untuak mangaja kauntungan ekonomi jo manguasoi administrasi wilayah, Balando manerapkan sistem pamarentahan kolonial pado urang-urang nan sabalunnyo indak punyo kasamaan identitas politik. Pado awal abaik ka-20, Balando manetapkan bateh-bateh teritorial di Hindia Belanda, nan manjadi cikal bakal Indonesia moderen.

Pado paro patamo abaik ka-20, timbua sajumlah organisasi kapamimpinan nan baru. Malalui kabijakan Politik Etis, Balando mambantu mambuek sakelompok urang Indonesia nan tapalajar. Parubahan nan mandalam pado urang-urang Indonesia iko acok disabuik sabagai "Kabangkitan Nasional Indonesia". Paristiwa iko basamoan jo paningkatan aktivitas politik hinggo mancapai puncaknyo pado Proklamasi Kemerdekaan Indonesia tanggal 17 Agustus 1945.^[1]

Kabangkitan nasional juo disebaban dek masuaknyo pakambangan pikiran dari urang mudo.

1. ↑ ^{a b} Ricklefs (1991), hlm. 163-164.
2. ↑ Hannigan 2015, hlm. 176.
3. ↑ Kronik kebangkitan Indonesia: 1908-1912. I:boekoe. 24 April 2008. ISBN 978-979-1436-09-0. https://books.google.co.id/books?redir_esc=y&id=bN4MAQAAMAAJ&focus=searchwithinvolume&q=%2220+mei+1908%22.